Un amigo ta scucha bo sin cu bo a bisa algo.
Un amigo t’ey pa bo sin cu bo mester pidi.
Un amigo ta saca un man y ta yuda bo lanta bek.
Unda un amigo ta come, dos por come.
Un amigo ta comprende sin cu bo mester splica.
Den e temponan di mas scur un amigo ta comparti su lus cu bo.
Tin hopi nomber y tin hopi palabra pa bisa compasion.
Bo no mester conoce un hende pa brind’e comprension y compasion.
Bo por ta un amigo brindando compasion na tur prohimo.
Nos ta un pueblo y un isla cu semper ta cla pa yuda otro.
Laga nos sigui haci esaki brindando compasion na tur cu mester di dje.
Manera un bon amigo.


Like it? Share with your friends!

0
1 share